Política Social confirmou hoxe a existencia de dous contaxios na residencia de Ribeira, onde usuarios e traballadores recibiron a primeira dose do antídoto a semana pasada.
Os casos confirmados neste momento afectan a un empregado da residencia de Ribeira e a un usuario, o primeiro desde o inicio da pandemia. Ata o de agora, rexistrouse outro caso entre o persoal de traballadores do centro de maiores de Noia, pero ningún entre os residentes nos recintos radicados na comarca. Na xornada de onte realizouse un cribado nas instalacións ribeirenses, así que non se descarta que poida aparecer algún outro positivo.
Por outra banda Sanidade informa da morte de seis persoas coa covid-19, unha delas relacionada con residencias, na xornada do martes en Galicia o que elevou as vítimas da pandemia en Galicia a un total de 1.427.
Entre as víctimas estaba un home de 82 anos no Complexo Hospitalario Universitario de Santiago (CHUS).
