Desde este martes alerta laranxa por temporal costeiro en A Coruña e Pontevedra

Chegada dunha fronte moi activa cara á noite do mates. Durante a mañá os ceos estarán parcialmente cubertos. Co avance da tarde os ceos iranse cubrindo e comezarán as chuvias que pola noite chegarán a toda Galicia e serán especialmente intensas na metade costeira atlántica. As temperaturas quedarán sen cambios ou con lixeiros descensos, de novo con xeadas na provincia de Ourense. O vento soprará forte do sur, con refachos moi fortes á noite no litoral e zonas altas……

Alértase dun fenómeno meteorolóxico adverso costeiro no noroeste e oeste do litoral coruñés por ventos do sur ou sureste de forza 8 e mar combinada do suroeste con ondas de ata 6 metros

Tamén se activará a alerta laranxa por ventos do sur e suroeste con refachos de ata 100 Km/h na madrugada do mércores na Mariña lucense

Lémbrase a necesidade de extremar as precaucións, seguir as medidas de protección pertinentes e consultar a web axega112.gal

Prognóstico do tempo para o martes 19 de xaneiro

No mar: Vento variable á mañá, do sur á tarde e do sur á noite, forza 2 a 3 á mañá, 2 a 4 á tarde e 3 a 5 á noite. Mar ovellado á mañá e á tarde e marusía á noite. Mar de fondo do noroeste, con ondas de 1.5 a 2.5 metros á mañá e 1 a 2 metros á tarde e á noite.