A partir da tarde deste venres 29 ata o sábado 30 a #BorrascaJustine situarase ao sur de Irlanda, deixando un temporal de inverno en Galicia e máis zonas da península ibérica. O máis significativo será a situación complicada no mar.
Así estaremos nunha borrasca de 971 mb ao noroeste de Galicia. Atención para venres: Ventos do sudoeste forza 7-8 e ondas por riba dos 4 metros ao final do día.
Galicia quedará durante o venres na influencia da borrasca Justine que se moverá polo Cantábrico, deixando chuvias e ventos fortes. Deste xeito, agárdanse ceos moi anubrados ou cubertos, con chuvias xeneralizadas ao final do día que serán máis cuantiosas canto máis cara a costa de Galicia. As temperaturas continuarán sen cambios. Os ventos soprarán de compoñente sur-sudoeste, fortes en xeral.
Na nosas costa este venres teremos vento do sur á mañá, do sur á tarde e do sudoeste á noite, forza 4 a 5 á mañá, 5 a 7 á tarde e 5 a 6 á noite. Forte marusía á mañá e á noite e media vaga á tarde. Visibilidade mala. Mar de fondo do oeste, con ondas de 2.5 a 3.5 metros á mañá e á tarde e 3.5 a 4.5 metros á noite.
Cámaras web da comarca (algunha cámara pode nun funcionar puntualmente)