Catro falecidos máis elevan a 1.503 as vítimas da pandemia en Galicia


As autoridades sanitarias informaron da morte doutras catro persoas con covid-19 que elevan a 1.503 as vítimas da pandemia en Galicia ata a data.

Trátase de tres homes e unha muller que se atopaban ingresados en hospitais. Todos tiñan patoloxías previas e ningún estaba vinculado a residencias.

Dous dos decesos tiveron lugar no Complexo Hospitalario Universitario de Santiago (CHUS), onde faleceron nas últimas horas un home de 81 anos e unha muller de 87.

Os dous óbitos restantes corresponden a un home de 66 anos que se atopaba hospitalizado no CHOP de Pontevedra e a outro home de 98 anos que permanecía ingresado no Hospital de Verín.