O convenio para a colocación de contedores de roupa, asinado entre o Concello de Boiro e Cáritas de Santiago, supuxo a recolección dun total de 25.012 quilos de roupa.
A recollida lévase a cabo a través de cinco colectores de roupa, situados en distintos puntos do municipio. Dous sitúanse na praza da Mancounidade, un na igrexa de Santa Baia, outro na estrada xeral de Cabo de Cruz e un en Escarabote. Anteriormente o convenio só contaba con catro colectores pero, debido á gran afluencia de residuo téxtil que se depositaba neles, tivo que colocarse un máis na praza da Mancomunidade.
Nos contedores situados na Mancomunidade recolléronse 7.674 quilos, no situado na Igrexa de Santa Baia, 7.058 quilos, no de Cabo de Cruz, 5.662 quilos, e no de Escarabote 4.618 quilos
O Concello de Boiro convoca un proceso selectivo para monitores e monitoras de actividades de tempo libre
O Concello de Boiro convoca un proceso selectivo para a confección dunha bolsa de emprego ara a contratación laboral temporal de monitores/as de actividades de tempo libre. O Boletín Oficial da Provincia deste venres 26 de abril publica as bases da convocatoria, que...