Boiro abre as instalacións deportivas de exterior para a práctica de deporte federado

07 Xaneiro 2021

O Concello de Boiro vén de informar das actuacións que se levan a cabo dende o Goberno local en relación coa pandemia e as restricións á actividade deportiva. Segundo confirmou, a boa evolución da situación epidemiolóxica no municipio fixo que se determinase comezar a apertura progresiva das instalacións deportivas municipais de exterior, exclusivamente para a práctica de deporte federado.

Esta medida supón a atenuación das disposicións adoptadas o día 2 de decembro a nivel local, cando o Concello de Boiro decretou o peche temporal de instalacións municipais e cancelou as actividades culturais e deportivas para “frear a curva de contaxios”. Logo de que o número de novos afectados pola pandemia diminuíse e ante o inicio da actividade dos clubs locais (que precisan facer uso das dependencias municipais para os adestramentos), tomouse a decisión de “permitir a partir deste 7 de decembro o emprego das instalacións deportivas de exterior para a práctica de deporte federado”.

O Concello fai saber que as entidades que así o desexen “teñen que facer unha solicitude ao departamento de deportes e cumprir cos protocolos sanitarios xerais decretados polas autoridades sanitarias e, de xeito particular, os da federación correspondente para a práctica de deportes”. E engade: “En ningún caso se vai permitir o acceso de persoas alleas á actividade ou club a ditas instalacións. Estas medidas están suxeitas á evolución da situación epidemiolóxica do municipio e ás restricións impostas polas autoridades sanitarias”.

Outros artigos

Publicidade

Revista en papel

Opinión

“A vivenda” – José Manuel Pena

“A vivenda” – José Manuel Pena

É un ben de mercado para o negocio particular ou un dereito básico, fundamental e humano, como pode ser a educación, a sanidade, a prestación por desemprego ou a xubilación? A vivenda, en Galicia e no resto de España, continúa sendo un negocio e un ben de...

“A forza da gratitude”. Luís Celeiro

“A forza da gratitude”. Luís Celeiro

Daquela, hai algo máis de cincuenta anos, algúns dos aldeáns e aldeás das aldeas de Lugochegaban ao Instituto para abrir as portas do futuro, pechadas a cal e canto para os fillos daMariña, para os das montañas da Fonsagrada, dos Ancares, do Courel e da Lóuzara...