Amicos presenta a súa axenda 2021

A entidade Amicos, con sedes en Oleiros (Ribeira) e Comoxo (Boiro), presentou estes días o que podería ser, definitivamente, o agasallo perfecto para este comezo do ano: a axenda de 2021 da asociación, un caderno en branco para encher “de novos proxectos ilusionantes e organizar as nosas ideas do día a día”.

Dende a asociación engaden que o interior da axenda vén cun deseño moi especial, con fotos de lembranzas fermosas da actividade cotiá da comunidade de usuarias e usuarios e chea de “plans de presente e de futuro que estamos desexando que vexades”, sinalan. Tamén conta con todas as ferramentas necesarias para organizar o día a día: axenda telefónica, calendario, datas destacadas…

Quen estea interesado en facerse cunha axenda de Amicos, pode facelo nas dúas dependencias da asociación: no Centro Integral Amicos de Comoxo (Boiro) e no CEEPR Amicos Oleiros (Ribeira). Tamén se poden facer reservas a través do enderezo community@amicos.org ou o teléfono 981 865 716.