O SERGAS informa a alta de 5 usuarios de Domusvi Ribeira o que sitúa os positivos en 36 residentes e 5 traballadores o que eleva a 41 os casos activos. As vítimas elevanse a 10 trala morte onte de dous residentes tal como informamos en O Barbanza.
Por outra banda a aparición dun caso positivo de covid na escola infantil Praia Xardín de Boiro levou á dirección do centro para pechar todas as instalacións como medida de precaución e a enviar a casa aos 26 alumnos, así como ao persoal docente, que deberán permanecer en corentena. O pequeno contaxiouse no ámbito familiar.
En Galicia a Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 20.481, deles 5.389 son da área da Coruña, 1.798 da de Lugo, 2.866 da de Ourense, 1.940 da de Pontevedra, 3.630 da área de Vigo, 3.242 da de Santiago, e 1.616 da de Ferrol.
Do total de pacientes positivos, 170 están en UCI, 1.031 en unidades de hospitalización e 19.280 no domicilio. Polo de agora, en Galicia hai un total de 67.473 persoas curadas, rexistrándose 1.649 falecementos.
O número de PCR realizadas é de 1.345.340.
O número de doses de vacina contra a covid-19 administradas é de 70.390.
A Xunta continúa a traballar desde a máxima coordinación interdepartamental e co Ministerio de Sanidade, tamén mantendo o contacto con todos os axentes socioeconómicos de Galicia. Neste senso, Sanidade reitera que segue alerta actualizando todas as medidas e recomendacións e en vixilancia permanente.
