Ribeira e Pobra concentraranse diante dos consistorios na tarde deste venres.
A hostalería ribeira ten previsto realizar este venres ás 18.30 horas, na praza do Concello, unha concentración para reclamar un plan de rescate.
O Concello deu a coñecer que apoiará a mobilización. Desde o grupo de goberno local indicouse que todo o esforzo realizado para axudar ao sector para soportar os efectos da pandemia procederon do propio Concello, da Deputación e da Xunta.
O executivo ribeirense apela a unha maior implicación do Goberno central mediante a convocatoria de axudas directas para o sector. O Concello apoiará o fondo de cooperación promovido pola Xunta para canalizar as axudas á hostalería. A previsión é que os concellos acheguen o 20 % dos fondos, que outro 30 % proceda das deputacións e o 50 % restante sexa da Xunta.
Pola súa banda os hostaleiros da Pobra efectuarná tamén unha concentración ás 18.30 horas fronte á casa do concello para reclamar un plan de rescate para o sector.
