A Rede Cultura da Deputación da Coruña mantén o seu nivel de contratación en comparación con outros anos, a pesar das limitacións impostas pola COVID- 19. De feito, das 1.307 actuacións concedidas entre o 2020 e este novo ano, tan só se cancelaron 51.
Por tanto, a Rede Cultural mantivo a programacións dos concellos que se canalizou por medio do circuíto provincial. Xurxo Couto, o deputado de Cultura sinalou que “os datos demostran que durante este ano o sector puido facer cultura ao vivo con garantías sanitarias. Houbo cambios de datas e ampliáronse os prazos incluíndo o primeiro trimestre do ano, pero finalmente non se viu mermado o nivel de contratación. Isto é fundamental para manter a empregabilidade da cultura”.
Aínda quedan dous meses para o peche do período de programación, que finaliza o 31 de marzo. No obstante, 1.192 actividades xa foron programadas por 90 concellos, fronte ás 1.165 da edición anterior.
Debido á situación sanitaria e pola necesidade de afondar no apoio ao sector profesional, nesta edición non se realizou o programa Alicerces para entidades. O circuíto de actuacións non profesionais en entidades limitouse á programación dos concellos. Sen embargo, preténdese recuperar o programa cando a situación o permita.
Nesta edición, a Rede Cultural contou cun orzamento de 1.400.000 euros, co que se cubriu o total das solicitudes dos concellos, ademais de dar a posibilidade dunha petición complementaria que incrementou o volume de contratación.
