A Deputación amplía o prazo para participar na IV Edición dos Premios PEL

A Deputación da Coruña comunica a ampliación do prazo para presentar as candidaturas da IV Edición dos Premios PEL. A data límite será o vindeiro 28 de xaneiro, na que repartiranse 5 premios (1 por cada categoría) de 15.000 euros cada un.

Os premios contarán así con 5 categorías. Unha delas estará dirixida a recoñecer iniciativas innovadoras, realizadas tanto por empresas como por concellos, que contribuíran na loita contra a COVID-19.

En definitiva, a 1º categoría terá un premio á mellor iniciativa empresarial nova, que estará destinado a autónomos/as e empresas da provincia constituídas nas anualidades 2019 ou 2020. A 2º categoría, dará un premio a unha iniciativa empresarial consolidada e será para autónomos/as e empresas da provincia constituídas en 2015 ou en anos anteriores. Mentres, o gañador da 3º categoría recibirá un premio por presentar unha iniciativa innovadora na loita contra a COVID-19. Isto será para autónomos/as, empresas e concellos da provincia de menos de 20.000 habitantes. As 2 últimas categorías ofrecerán 2 premios, un deles o recibirá o mellor concello promotor de emprego de calidade (destinado aos concellos da provincia de menos de 20.000 habitantes) e o outro, será para unha asociación empresarial, agrupación ou federación de empresarios e empresarias da provincia.

Cabe mencionar que soamente poderase presentar 1 candidatura por categoría, a excepción dos concellos, que poderán presentar candidaturas para o 3º e 4º premio.

A presentación de iniciativas realizarase de forma telemática a través da plataforma SUBTeL da Deputación. Do mesmo xeito, as bases reguladoras e a convocatoria poderanse consultar na páxina web do Premio Provincial á Mellor Iniciativa Empresarial.