O Ministerio de Transición Ecolóxica acometerá outros proxectos no litorial coruñés, con actuacións previstas en Noia e Porto do Son entre outras localidades.
A subdelegada do Goberno na Coruña, Pilar López-Rioboo, mantivo sendas reunión cos xefes da Demarcación de Estradas de Galicia e da Demarcación de Costas de Galicia para analizar as principais prioridades en materia de infraestruturas na provincia coruñesa, que este ano recibirá un importante impulso a través dos orzamentos xerais do Estado, nos que se prevén 86,15 millóns destinados a estas actuacións viarias, ademáis de poner en marcha proxectos medioambientais por importe de máis de 52 millóns de euros. .
A posta en marcha do saneamento da ría do Burgo e da reforma da avenida da Alfonso Molina son dúas das principais actuacións que acometerá o Goberno, desbloquedando desta maneira históricas peticións e reivindicacións da cidade da Coruñae a a súa área metropolitana. O inicio da construcción da pasarela peonil de Pedralonga é a primeira fase do proxecto da rede viaria tan demandada polos coruñeses.
Na reunión coa Demarcación de Estradas, Pilar López-Rioboo recordou que A Coruña é a novena provincia española que máis gasto total terá en materia de estradas, de tal maneira que se sitúa no 88,8% por encima da media estatal en este concepto, o que da idea do compromiso do Goberno coa provincia en materia de infraestruturas viarias.
De feito, a inversión prevista para estradas no primeiro orzamento aprobado por este Goberno incrementase no 12,9% respecto ao anterior, cun aumento de case 10 millóns de euros na inversión.
A subdelegada do Goberno tamén fixo especial fincapé no gasto que se desenvolverá na conservación e explotación das estradas, para o que se destinarán 10,1 millóns de euros este ano. A dotación de novos asfaltados e as melloras na rede estatal de estradas en materia de seguridade, sinalización, drenaxe e estruturas, será por tanto tamén unha das prioridades do Executivo.
