A borrasca ‘ Hortensia’ trae alertas por ventos e choivas fortes

Toda Galicia permanecerá en aviso este venres pola incidencia da borrasca “Hortensia”, que recruará os seus efectos sobre a comunidade con fortes precipitacións e ventos que pasarán en moitos puntos os 100 quilómetros hora. Isto provoca que case toda Galicia quede en alerta laranxa.

Agárdase a curto prazo unha alternancia de ceos moi anubrados con momentos con nubes e claros. Haberá precipitacións tódolos días. En canto ás temperaturas, serán normais para este período, con valores que en xeral descenderán moderadamente. Vento forte do Sudoeste do xoves pola mañá ó xoves pola noite; e forte do Oeste o venres pola noite.
En canto ó estado da calidade do aire, mellorará a bo.

No noso mar teremos vento do sudoeste á mañá e á noite e do sudoeste á tarde, forza 7 a 8 á mañá e á noite e 6 a 7 á tarde. Vaga á mañá e á noite e media vaga á tarde. Visibilidade regular. Mar de fondo do oeste, con ondas de 3.5 a 4.5 metros á mañá, 4 a 5 metros á tarde e 5 a 6 metros á noite.