A Asociación Ambar lanzou a sétima edición do seu calendario solidario

A Asociación Ambar, con sedes en Ribeira e na Pobra, realizou por sétimo ano consecutivo o seu Calendario Solidario, que celebra o cinema con valores sociais a través de carteis de películas e un traballo minucioso de caracterización, vestiario e deseño.

Cabe mencionar que a iniciativa non se cancelou, a pesar da situación complicada que se está a vivir, xerada pola COVID – 19. Así, a organización coidou moito as medidas de seguridade e recorreu a portadas máis individuais, para que se houbera que retomar o confinamento, a aprendizaxe non se vira reducida.

O Calendario Solidario é posíbel debido á colaboración de moitas persoas. Para cooperar coa Asociación Ambar, os usuarios deben escribir ao enderezo comunicacion@asociaciónambar.org. Doutra banda, aqueles que queiran recibir o calendario, poderán reservalo a través do correo electrónico ou chamando ao 981 874 480. O prezo do mesmo é de 7 euros ou 3, dependendo do tamaño.

Nun vídeo xa habilitado en Youtube pódese visualizar o traballo que realizou a asociación, xunto aos seus colaboradores para a crear o calendario.