A análise xeográfica dos últimos datos do SERGAS permite ver como a situación vai empeorando no conxunto de Galicia, con especial incidencia en localidades como Ribeira con 10 novos positivos e Vilagarcía de Arousa con 13.
A última vítima mortal é un veciño de Boiro de 71 anos de idade. O home faleceu onte no hospital Clínico, onde estaba ingresado, e ao parecer tiña patoloxías previas. A súa morte súmase á doutro home, un veciño de Ribeira de 69 anos, que morreu na súa casa o pasado martes. Antes deles, a última vítima da que hai constancia na comarca era un octoxenario de Noia que estaba hospitalizado no CHUS e faleceu o pasado 24 de novembro. Desde o inicio da pandemia, na área sanitaria de Santiago e Barbanza perderon a vida como consecuencia da Covid 176 persoas preto de 40 delas vinculadas á comarca.
Por outra banda a conselleira do Mar, Rosa Quintana, anunciou este sábado que dou positivo en coronavirus, de forma que permanecerá uns días confinada.
