A Consellería de Sanidade notificou este mércores o falecemento de sete persoas con coronavirus na comunidade, co que a cifra de vítimas mortais da pandemia ascende a 1.393.
Na última xornada faleceu unha muller de 94 anos e outra de 93 no Hospital de Vigo, a última delas procedente da residencia CRAPD-II. En Povisa, tamén na cidade olívica, morreu unha muller de 89 anos.
Por outra banda, notificouse o falecemento dunha muller de 76 anos que permanecía no seu domicilio, na área sanitaria de Santiago, concretamente no municipio de Touro, e dun home de 84 anos ingresado no Clínico de Santiago.
Finalmente, as dúas últimas vítimas mortais son un home de 76 anos ingresado no Hospital de Ferrol e outro home de 75 ingresado no Hospital de Pontevedra.
