Galicia continuará este martes con inestabilidade atmosférica e fluxo de vento do noroeste que arrastra aire frío e húmido. Teremos pois unha xornada de ceos nubrados con chuvascos, localmente acompañados por aparello eléctrico e mesmo saraiba. Estas precipitacións serán de neve a partir dos 700-800 metros.
Segundo a información de Meteogalicia, o vento soprará do noroeste con intervalos moderados en terra e forte no mar. As temperaturas, pola súa banda, seguirán sen cambios ou en lixeiro descenso.
