Sábado seco e soleado á espera de chuvias o domingo

Durante o sábado persiste a influencia anticiclónica sobre Galicia. Con esta situación, agárdanse bancos de néboa matinais en zonas de interior, que darán paso a ceos pouco anubrados ou con nubes altas, con algunhas nubes no extremo norte. As temperaturas non experimentarán cambios significativos, xeando pola noite en puntos do interior. Os ventos soprarán de compoñente norte durante o día, rolando a sudoeste e intensificándose ó final da xornada.