Presentado en Corrubedo o equipamento de paneis que acompañan o Camiño a Santiago dende Barbanza

01 Decembro 2020

Este martes primeiro de decembro presentouse a carón do Faro de Corrubedo o primeiro conxunto de paneis do Camiño a Santiago dende o Barbanza, o itinerario xacobeo A Orixe. O acto celebrouse na contorna costeira máis situada ao oeste da comarca por ser este o lugar onde comeza o devandito Camiño. En concreto, vai dende Corrubedo até Santiago percorrendo os catro concellos da Mancomunidade Barbanza-Arousa (Ribeira, A Pobra, Boiro e Rianxo), para logo pasar por Dodro e ligar en Padrón con Camiño Portugués.

Esta presentación iniciouse coa intervención de Fátima Cachafeiro, xerente da mancomunidade, para, a continuación, dar a palabra a Manuel Mariño e Manuel Antonio Villar, representantes da Asociación de Amigos do Camiño de Santiago polo Barbanza.

A seguinte persoa en intervir foi Nava Castro, directora de Turismo de Galicia e o peche levouse a cabo a cargo de Manuel Ruiz, presidente da Mancomunidade de Municipios Barbanza Arousa e alcalde de Ribeira.

Segundo fixeron saber, o percorrido barbanzán é froito “dun arduo traballo por parte do destino Barbanza-Arousa de definir un itinerario que acompañe por terra a traslatio e a Ruta Mar de Arousa Río Ulla”. A iniciativa, ademais, sitúa a nosa comarca como “a orixe da tradición xacobea posto que os restos do apóstolo chegaron a Galicia pola Ría de Arousa”, engadiron, lembrando a importante aposta da mancomunidade “polo desenvolvemento dunha oferta consolidada ao abeiro do Camiño de Santiago”, é por iso que dispón xa de catro portos xacobeos nos catro municipios do destino.

Segundo lembraron, a ruta transcorre ao longo de 120 km aproximadamente dividida en 6 etapas, da seguinte maneira:

· Corrubedo – Carreira (Ribeira).

· Carreira – A Pobra do Caramiñal (igrexa de Santa María A Antiga.

· A Pobra do Caramiñal – Cespón (Boiro).

· Cespón – Quintáns (Rianxo).

· Quintáns – Padrón (ligazón co Camiño Portugués),

· Padrón – Santiago de Compostela

Os paneis informativos

O fornecemento dos paneis turístico-informativos nos diferentes treitos deste percorrido, iniciativa presentada este martes, inclúe un mapa por etapas, os recursos próximos ao itinerario e tamén un código QR que se dirixe á páxina web de Barbanza Arousa na que xa se poden descargar os tracks e, en datas vindeiras, tamén un vídeo-mapping e toda a información necesaria para visitantes e peregrinos. Os paneis sitúanse en Corrubedo (Ribeira), Carreira (Ribeira), A Pobra do Caramiñal, Cespón (Boiro), Quintáns (Rianxo) e A Bacariza (Rianxo). Este equipamento foi posíbel grazas ao apoio da Xunta de Galicia a través da subvención para infraestruturas, dotacións, instalacións e equipamentos e tamén á colaboración do Concello de Dodro e da Asociación de Amigos do Camiño de Santiago do Barbanza, A Orixe.

Outros artigos

Todo preparado na Pobra para 16ª edición da Volta a Ons

A Pobra do Caramiñal, a través do Club Náutico Arousa Norte, comezou a conta atrás para a 16ª edición da Volta a Ons. A clásica regata que organiza o Club Arousa Norte, puntuábel para a Copa Xunta de Galicia, conta co patrocinio do Clínica Dr. Gonzalo López e de...

+

Publicidade

Revista en papel

Opinión

“Los ministros del Gobierno no se entienden”. Arturo Maneiro

“Los ministros del Gobierno no se entienden”. Arturo Maneiro

En los últimos días, el Gobierno de coalición del PSOE y Sumar está pasando por su peor momento de desacuerdos y discrepancias legislativas que no parece que vayan a tener fin en el corto plazo. Es más, parecer un mal progresista y progresivo.La falta de acuerdos en...

“Un poeta llamado Sémper”. Xosé Antonio Perozo

“Un poeta llamado Sémper”. Xosé Antonio Perozo

El mimetismo positivo del correligionario con el líder es un fenómeno en desaparición. Puede ser debido a dos circunstancias. Una, la falta de carisma de la mayoría de los dirigentes políticos de nuestros días. Dos, la proliferación y diversificación de sus presencias...