Francisco Allo Perol, máis coñecido no mundo futbolístico como Paco, deixa o CD Boiro para fichar polo Vista Alegre Estudiantil. O defensa de A Baña disputou un total de cinco temporadas intercaladas nas filas boirenses. Chegou a Boiro na campaña 2013-2014 para marchar ó Céltiga no 2016 e volver ó CD Boiro no 2018, ata o día de hoxe.
Paco fichará polo Vista Alegre Estudiantil, da Terceira División. As incertezas sobre o inicio da competición na Preferente por mor da COVID-19, obrigou ao coruñés a tomar a decisión de fichar polo equipo compostelán, de superior categoría. O CD Boiro despediu ao xogador agradecéndolle “de maneira agarimosa a súa entrega neste tempo polo CD Boiro”. Ademais deixan a porta aberta á súa volta: “Esperamos que tan só sexa un ata logo. Paco sempre será un dos nosos”.
