O mércores Galicia queda na influencia dunha borrasca situada ao norte que enviará unha fronte fría durante a mañá. Así, nas primeiras horas do día predominarán as nubes baixas con chuvascos e a partir do mediodía irán abríndose claros e remitindo as chuvias. As temperaturas descenderán lixeiramente. Os ventos soprarán pola mañá do suroeste frouxos con intervalos de moderado no interior e fortes no litoral, rolando a norte progresivamente, frouxos no interior e moderados na costa.
Pouco a pouco o tempo mellora e os días 24, 25 e 26 teremos ceo despexado.
No mar teremos Vento do sur, forza 6 a 7. Media vaga. Visibilidade mala á mañá e á noite e boa á tarde. Mar de fondo do noroeste á mañá e oeste á tarde e á noite, con ondas de 1.5 a 2.5 metros á mañá, 2 a 3 metros á tarde e 3 a 4 metros á noite.
