O mel non caduca trae o teatro de novo a Ribeira

01 Decembro 2020

Os ribeirenses poderán volver a desfrutar dunha mostra de teatro, logo de que o Concello de Ribeira decidise retomar a celebración de actos culturais. O espectáculo encargado de reiniciar este tipo de actividades será O Mel non caduca.

A función terá lugar no Auditorio Municipal de Ribeira a partir das 20:30 horas. Todas as persoas que queiran acudir, poderán facelo de forma gratuíta. O Concello de Ribeira estableceu un aforo limitado de 60 persoas, por mor da COVID-19.

As persoas interesadas en asistir á Mostra de Teatro deberán inscribirse no correo electrónico culturaefestexos@ribeira.gal. A solicitude, dispoñible ata as 13 horas do venres 4 de decembro, terá que incluír nome, apelidos, lugar de residencia, teléfono e relación de convivintes. As portas do Auditorio Municipal abrirán media hora antes para facilitar o acceso de forma ordenada.

O mel non caduca é unha comedia teatral para público adulto no que se fai unha lectura crítica e humorística da nosa relación cos obxectos que, polas presións da industria e os seus interese, acaban morrendo antes de tempo (iso que se vén chamando obsolescencia programa e que deixa en moi mal lugar aos electrodomésticos actuais con respecto aos que tivemos a sorte de usar en décadas pasadas). O mel non caduca, que tamén é unha ollada sobre os hábitos que nos levan dereitiños á destrución do planeta, está dirixida por Santiago Cortegoso e conta no seu elenco con Maríán Bañobre e Avelino González.

Outros artigos

Ribeira pon en valor o traballo das mulleres no mar

O Concello de Ribeira conmemorou o Día Internacional da Muller no Sector Marítimo rendendo unha homenaxe a tres mulleres extraordinarias que dedicaron as súas vidas a unha profesión fundamental para a nosa comunidade: o marisqueo. O concelleiro de Mar, Fernando...

+

En Ribeira a rapazada de Banda ó Río estrea un novo parque infantil

O barrio ribeirense de Banda ó Río estrea hoxe un parque infantil completamente renovado. O goberno local, xunto cun bo número de veciños e veciñas, puideron comprobar as novas instalacións de xogo. O investimento para actualizar o Parque de Pedra Pateira ascendeu a...

+

Publicidade

Revista en papel

Opinión

“Día das Letras Galegas 2025”. Manuel Dominguez

“Día das Letras Galegas 2025”. Manuel Dominguez

Andrés do Barro, cantante, compositor de soul galego, grandes éxitos dende 1975 onde as linguas do Estado foron confinadas, censuradas, ata acadar o primeiro posto nas listas dos discos máis vendidos en España tres veces seguidas: primeiro en 1969 con O trem , logo en...