Galicia continuará este martes baixo a influencia das baixas presións, aínda que chegará un centro secundario nas últimas horas que manterá os ceos parcialmente cubertos e con chuvascos na franxa atlántica.
Esta próxima noite as choivas chegarán a todo o país e serán localmente fortes nas provincias da Coruña e Pontevedra.
Pola súa banda, os ventos soprarán de compoñente sur e aumentarán a súa intensidade a partir de media tarde do martes, cando os refachos serán máis fortes en calquera punto do litoral e en moitas zonas do interior.
En canto ás temperaturas, sufrirán un lixeiro descenso.
