Membros da xunta directiva da Asociación de Empresarios de Ribeira mantiveron este xoves 10 de decembro unha xuntanza, no local da entidade empresarial, coa presidenta de Portos de Galicia, Susana Lenguas Gil, e co director de Portos de Galicia, Roi Fernández Añón.
Na reunión, segundo nos confirma a Asociación de Empresarios, tratáronse cuestións de relevancia que afectan directamente á entidade empresarial e aos seus socios, como por exemplo a situación presente e futura das terrazas que entran no radio de acción da devandita institución autonómica, a reestruturación dos aparcadoiros situados na contorna que forma parte da súa área de influencia así como os distintos eventos que realiza a asociación dentro da contorna portuaria de Ribeira.