O concurso para a elaboración do cartel e a postal de Nadal de Ribeira recibiu 350 traballos

02 Decembro 2020

O Concello de Ribeira, a través da Concellería de Cultura, vén de facer reconto das contribucións presentadas ao Concurso Escolar de Deseño do Cartel e Postal do Nadal. En total, foron enviados 350 traballos ao dito certame. Así quedou reflectido despois da reunión do xurado para determinar as persoas gañadoras en cada unha das modalidades.

Este xurado estivo formado por Eugenia Gómez Vidal, Antonio Pérez Pérez e Xoán Pastor Rodríguez Santamaría, persoas de recoñecida traxectoria no mundo da arte, e Juana Brión, concelleira de Educación do Concello de Ribeira, coa única intención de emitir o veredicto deste concurso.

Os traballos proceden dos CEP Carreira; CEIP de Palmeira; CEIP de Artes, CEEPR Amicos, CPR A Milagrosa, CEIP O Grupo, CPR Galaxia, CEIP de Frións e CEIP de Olveira.

Nos vindeiros días farase pública a identidade das persoas gañadoras.

A Concellería lembrou que este ano establécese un único premio de 120 € en vales de compra a investir no comercio local para o gañador do concurso na modalidade de cartel de Nadal e un único premio de 120€ en vales para o gañador do concurso na modalidade de postal de Nadal.

Decoración de fachadas e escaparates

O Concello tamén recordou a posta en marcha doutros dous certames festivos con premios monetarios: un de decoración de fachadas, balcóns e xardíns con premios por valor de 630 euros en vales de compra no consumo local, e outro de decoración de escaparates e de locais de hostalería con 600 euros en metálico por modalidade. Pódense consultar as bases na web municipal.

Outros artigos

Adxudicada a pavimentación da rúa Lorenzo Mariño de Aguiño

O Concello de Ribeira vén de adxudicar a pavimentación da rúa Lorenzo Mariño na parroquia de Aguiño, cun orzamento de 132.225 euros e un prazo de execución de 2 meses. Segundo explican fontes do Consistorio, a rúa Francisco Lorenzo Mariño é unha das vías con mais...

+

O xurelo e o lirio de Ribeira viaxan a SALIMAT da man da OPP83

A Sociedade Cooperativa Galega do Mar Santa Uxía de Ribeira (OPP83) viaxará a Silleda para participar no 27o Salón de Alimentación do Atlántico, SALIMAT Abanca 2024. A OPP83 realizará unha degustación para os asistentes na que dará conta das excelencias do xurelo e o...

+

A XXIV Mostra de Teatro Infantil de Ribeira arrinca este 31 de maio

Este martes 28 de maio a concelleira de Cultura, Antía Alberte, presentou a vixésimo cuarta edición da Mostra de Teatro Infantil de Ribeira Daniel Gómez Ramil. Fíxoo na compaña de Óscar Romero, director do grupo infantil municipal. Esta mostra, sinalaron, permite pór...

+

Publicidade

Revista en papel

Opinión

“Cando existen intereses contrapostos na pesca”. Antón Luaces

“Cando existen intereses contrapostos na pesca”. Antón Luaces

Dicirmos que hai diverxencia entre o sector pesqueiro e os gobernos (autonómico e/ou central) non é descubrir, arestora, o Atlántico. Resulta tan evidente ese desencontro, que só a desunión permanente no eido da pesca marítima explica que o sector, en Galicia e as...