O Concello e o CEP Brea Segade de Taragoña recollen nun cancioneiro popular o rico patrimonio musical e oral rianxeiro

18 Decembro 2020

O vindeiro luns 21 de decembro, ás 11.30 horas no CEP Brea Segade de Taragoña, o Concello de Rianxo e o CEP Brea Segade de Taragoña presentarán o libro titulado Cancioneiro escolar urxente de Rianxo, unha obra que nace coa vontade de “recuperar o patrimonio cultural, musical e lingüístico da vila”, xa que nela recóllense cantigas, partituras e historias dunha manchea de composicións rianxeiras que, ou ben non estaban recollidas documentalmente en ningures, ou o acceso a estas non resultaba moi doado. O cancioneiro é un proxecto escolar que se porá a disposición de toda a veciñanza. Recóllense creacións populares en galego de moi diversa índole: ciclo festivo, cantos infantís e arrolos, cancións emblemáticas, ritmos bailábeis, fiadas e seráns, pregarias e esconxuros e cantiga social.

Segundo explica o Concello, o volume foi coordinado polo docente e investigador musical José Luís do Pico Orjais e pretende servir á vez “de guía e de ferramenta de traballo para que os diferentes axentes municipais implicados na divulgación do patrimonio musical e cultural de Rianxo o poidan empregar nas súas aulas e sesións”. Por exemplo profesorado de música dos centros de ensino, asociacións culturais e musicais do concello, a Escola de Música, a Aula musical da UNED Senior, etc. O Concello salienta, neste senso, o importante valor cultural, social e académico do proxecto.

Para a cidadanía en xeral, o volume vai a estar á súa disposición a través da Biblioteca Municipal e das bibliotecas escolares, aínda que tamén se poderá descargar desde a páxina web do Concello de Rianxo.

Os contidos do libro estarán ademais, vencellados a outros de tipoloxía dixital que o colexio CEP Brea Segade e o Concello de Rianxo porán a disposición de quen os desexe empregar: unidades didácticas, actividades escolares, arquivos de audios e vídeos coas interpretacións das cantigas, etc.

Na presentación do luns 21 de decembro participarán a directora do colexio, Alma Caamaño Romero, o alcalde de Rianxo, Adolfo Muíños Sánchez e o coordinador da obra, José Luís do Pico Orjais. Logo, o alumnado do CEP Brea Segade interpretará algunha das cantigas recollidas no volume.

A asistencia ao acto, por mor das medidas derivadas da alerta sanitaria, estará limitada a aquelas persoas que dalgún xeito están vinculadas ao proxecto.

O proxecto de edición desta obra foi impulsado conxuntamente polo Servizo de Normalización Lingüística do Concello de Rianxo e a comunidade escolar do CEP Brea Segade de Taragoña.

Outros artigos

Este venres entrégase en Rianxo o Premio Muller Salgada 2024

Mulleres Salgadas entregará o vindeiro venres día 28 de xuño o seu Premio Muller Salgada 2024. O acto, que conta coa colaboración do Concello de Rianxo, terá lugar ás 18.30 no Auditorio de Rianxo (A Coruña). A orixe do galardón A cultura do esforzo xeneroso,...

+

Rianxo e Dodro retoman os roteiros do Ulla o vindeiro 6 de xullo

O programa de roteiros Goza do Ulla volve a Rianxo o vindeiro 6 de xullo cunha ruta, As Brañas-Tres Cruces, organizada conxuntamente entre o Concello de Dodro e o Concello de Rianxo para desfrutar da fermosa paisaxe do treito final do río e do esteiro do Ulla. A...

+

Publicidade

Revista en papel

Opinión

“La ausencia de los eméritos”. José Castro López

“La ausencia de los eméritos”. José Castro López

Se cumplieron diez años de la coronación de Felipe VI y el aniversario se conmemorócon un acto sencillo, alejado de la grandiosidad que suele dominar la esfera pública.Al Rey le tocó reinar en el peor momento para la institución monárquica por problemasheredados de su...