Comezaron as obras no exterior do CEP Salustiano Rey Eiras

O Concello de Pobra, da man da Concellería de Educación, comezou os labores no exterior do CEP Salustiano Rey Eiras. A actuación principal consistiu en formar unha soleira no campo, co fin de preparar o terreo e a compactación, ademais de colocar os bordos na xardineira, instalar un tubo de drenaxe para a evacuación da auga na área e botar unha malla intermedia, formigón e un acabado rugoso nas inmediacións.

Do mesmo xeito, efectuouse o cambio da canalización do desaugadoiro dende a pista ata o exterior do recinto e instaláronse tres arquetas de plástico.

A primeira parte da obra levouna a cabo Contrucciones Fariña y Lobeiras S.L, mentres que a intervención no desaugadoiro realizouna a empresa Elektro Batalla. O importe total foi de 1761,76 euros, IVE incluído.