O Concello de Lousame, da man da concelleira de Servizos Sociais, Silvia Agrafojo, entregou hoxe a Cáritas os alimentos recollidos na Campaña de Nadal impulsada polo Goberno local, que estivo activa do 4 ó 18 de decembro. Esta iniciativa permitiu recoller na casa Consistorial de Lousame alimentos básicos como leite, pasta, azucre, legumes, aceite, arroz ou conservas. Todos eles debían estar etiquetados e sen caducar.
Silvia Agrafojo sinalou que “moitos veciños e veciñas de Lousame colaboraron nesta campaña solidaria”. Destacou, por exemplo, o CPI Cernadas de Castro que entregou numerosas caixas de leite.
