O Concello de Boiro leva a cabo tarefas de acondicionamento na estrada que vai da aldea de Carboeiro a Cadarnoxo, na parroquia de Cures. Debido ás choivas das ultimas semanas, producíanse numerosos desbordamentos de auga e terra na estrada, o que xeraba un perigo para a condución pola zona.
A actuación, que segundo apunta o Concello viña sendo moi demandada pola veciñanza e persoas usuarias do devandito viario, foi realizada con operarios municipais. Levouse a cabo a limpeza das gabias para evitar os desbordamentos de terra e auga polas fortes choivas, e tamén se arranxaron os desprendementos que se producían e anegaban a estrada, dificultando o tránsito de vehículos.
