As vítimas da pandemia sanitaria na comunidade galega alcanzan xa os 1.306 falecidos, tras a confirmación este sábado de tres novos mortos con COVID-19 por parte das autoridades sanitarias.
Por outra banda o SERGAS informa da participación nos cribados poboacionais realizados pola área sanitaria de Santiago –Barbanza no Hospital do Barbanza para a detección de casos asintomáticos en diversas empresas de A Pobra do Caramiñal, Boiro e Ribeira.
Este venres 11 foron citados: 1.150 e acudiron 977 persoas, o que representa 0 84,95 % por cento dos convocados.
Na xornada do sábado 12 pola mañana foron citados 734 e acudiron 660, o que representa o 89,91 por cento.
Este domingo e o luns seguirán a ser chamadas o resto das 5.400 persoas previstas que serán citadas a través de SMS.
A toma de mostras é nasofarínxea para realizar PCR, que será analizada pola técnica pooling.
Os controis están a ser realizados por persoal de enfermaría do Servizo de Medicina Preventiva da Área Sanitaria de Santiago -Barbanza no Hospital Comarcal do Barbanza . Trátase de realizala detección de casos asintomáticos en diversas empresas de A Pobra do Caramiñal, Boiro e Ribeira.
