A Consellería do Mar convocou este 28 de decembro tres novos cursos de mariñeiro/a e pescador/a na modalidade online, que se poderán realizar do 22 de febreiro ó 9 de abril de 2021, cunha duración de 50 horas.
As actividades formativas estarán titorizadas por 1 escola das 3 pertencentes ao ensino náutico pesqueiro da Consellería, ben a Escola Oficial Náutico – Pesqueira de Ferrol, a Escola Oficial Náutico – Pesqueira de Ribeira ou o Instituto Politécnico Marítimo – Pesqueiro do Atlántico de Vigo.
Cada curso contará con 60 prazas. As persoas que se queiran inscribirse poderán facelo a través da web da Consellería do Mar, dende mañá ás 08:00 horas ata o 22 de xaneiro ás 15:00 horas. Os admitidos publicaranse tamén na páxina web, en función do día e da data da prematrícula. Despois, as persoas seleccionadas deberán matricularse no centro de ensino correspondente e achegar a documentación necesaria (titulación de mariñeiro/a, pescador/a, patrón/a, etc).
Ao remate dos cursos de teleformación, realizarase un exame presencial en cada un dos centros da Consellería do Mar. Para acceder ó exame, os participantes terán que superar a proba de natación. De non ser así, non poderán facer o exame.
