O Concello de Lousame, en colaboración coa Deputación da Coruña, recupera este venres o programa Noites de Cine coa proxección de O Que Arde. O filme máis taquilleiro visto en galego do momento, está dirixido por Oliver Laxe e trata o tema da desaparición do medio rural debido aos lumes forestais. Os autores que participan non son profesionais. Entre eles destacan os protagonistas Amador Arias e Benedicta Sánchez (premio Goya á mellor actriz revelación).
A proxección estaba programada para o pasado mes de agosto, pero por mor das condicións meteorolóxicas non se puido realizar. É por iso que esta vez a actuación será en cuberto.
Aquelas persoas que queiran acudir deberán reservar praza a través do seguinte número de teléfono: 981 825 780.