Galicia será belixerante para seguir defendendo os intereses da frota e recuperar os dereitos de pesca perdidos no acordo do Brexit

A falta de coñecer os termos concretos do acordo, a Xunta considérao sumamente negativo porque semella que se entregou de forma definitiva á frota británica o 25% das cotas de pesca europeas a cambio de cinco anos e medio de acceso ás augas do Reino Unido

O Goberno galego sinala que esta decisión é alarmante para a frota galega pois, os barcos perderán cotas importantes de pesca e posibilidades de intercambio que axudaban a facer rendibles as frotas e as lonxas, entre outros efecto

A Xunta tamén considera negativo que Reino Unido abandone a Política Pesqueira Común ao non ter que aplicar aspectos de difícil cumprimento e que este Estado propugnou como a normativa sobre a eliminación de descartes

A comunidade galega advertiu en numerosas ocasións do risco de que a pesca fose utilizada como moeda de cambio nas negociacións, a última o pasado sábado cando o presidente da Xunta trasladou por carta ao Goberno central a súa preocupación .