Feridas dúas mulleres en Boiro en accidentes


Dúas mulleres resultaron feridas en senllos atropelos que se rexistraron no centro de Boiro. O primeiro aconteceu sobre ás 9.30 horas na Avenida da Constitución. Alí unha muller duns 30 anos de idade resultaba ferida. Pouco despois rexistrouse outro atropelo na Rúa Principal noutro accidente no que tamén resultou ferida unha muller doutros 30 anos.

Aos dous lugares desprazáronse axentes da Policía Local. Ambas mulleres foron trasladadas en ambulancia ao hospital comarcal, se ben o seu estado non revestía aparentemente gravidade.