En Boiro Sanidade fará este venres un cribado aos traballadores do sector da hostalería


A Consellería de Sanidade comunicou ao Concello de Boiro que este venres comezará a realizar un cribado entre os traballadores do sector da hostalería e de varias empresas do municipio. Serán citados a través dunha mensaxe de móbil no que lle indicarán a hora e o lugar no que se teñen que presentar para realizar a proba para detectar o virus.
O obxectivo é localizar posibles casos asintomáticos que poden estar a transmitir o virus sen sabelo debido a que na última semana disparouse o número de contaxios, que xa supera os sesenta.