Dez proxectos pasan á segunda fase do programa de formación- aceleración Emprende Lab Barbanza

07 Decembro 2020

O Concello de Boiro, grazas ao financiamento da Deputación Provincial
da Coruña e a colaboración da Asociación Boirense de Empresarios puxo en
marcha un programa de formación- aceleración de empresas Emprende Lab Barbanza que comezou no mes de setembro. Dez proxectos, dos dezaoito participantes no programa, foron seleccionados para pasar á segunda fase, a aceleración, tras a xornada ‘Demoday’ celebrada a pasada semana.

Entre as iniciativas emprendedoras seleccionadas están Fortem Hub,
unha proposta formativa para persoas de colectivos vulnerables. Tamén está Laflora, unha iniciativa para a produción musical e as iniciativas
emprendedoras. Orenpay, que desenrola unha aplicación móbil para o sector hostaleiro que permite ver a carta ou facer un pedido mediante códigos QR. E- commerce, de regalos personalizados. NadadeNada, un proxecto téxtil.
Arándanos Barbanza, unha iniciativa de agricultura ecolóxica. Esteos, un
proxecto de tecnolóxico baseado no Internet das cousas para simplificar os
procesos produtivos das empresas e minimizar custes. GastroLab Arousa,
unha escola de cociña cun espazo gastronómico orientado á formación e ás
demostracións culinarias en directo. Naturalmente, unha proposta de terapias alternativas para o coidado usando produtos naturais. Fashion School, unha escola de corte e confeccións online.
Para a selección dos proxectos que pasan á seguinte fase, o xurado tivo
en conta a madurez do proxecto alcanzado nesta primeira fase de formación, seguindo criterios como a súa posta en valor, a definición do mercado ao que vai dirixido, o modo de comercialización ou a escalabilidade. Tamén o potencial de crecemento do proxecto, a súa capacidade para chegar a outros mercados, para mellorar a calidade de vida do territorio ou a capacidade de xerar impacto económico.
Os dez proxectos seleccionados do programa Emprende Lab Barbanza
pasan agora a unha segunda fase, a de aceleración. As persoas
emprendedoras teñen á súa disposición as instalacións do espazo Coworking para seguir traballando na posta en marcha dos proxectos, así como recibir asesoramento personalizado para os seus proxectos.

Outros artigos

Accidente de tráfico no acceso ao polígono de Espiñeira, en Boiro

Os bombeiros do parque comarcal provincial de Boiro recibiron unha chamada ao redor das 20:00 horas deste mércores 15 de maio alertando dun accidente de tráfico no acceso ao Polígono de Espiñeira coa estrada AG-11, no concello de Boiro. Á chegada dos bombeiros as...

+

Publicidade

Revista en papel

Opinión