O luns será un día caracterizado pola inestabilidade atmosférica. Deste xeito, agárdanse intervalos anubrados, con chuvascos que poderán ser localmente treboentos e ocasionalmente acompañados de sarabia. A cota de neve situarase sobre os 1.000 metros, baixando a 900 metros ao final do día. As temperaturas mínimas experimentarán un lixeiro ascenso, mentres que as máximas sufrirán un lixeiro descenso. Os ventos soprarán de compoñente oeste, moderados no interior, fortes no litoral e zonas altas.
No mar:
Borrasca Bella, con 955 mb, centrada nas Illas Británicas. Altas presións de 1034 mb desprazadas ao noroeste dos Azores.
Vento do sudoeste á mañá e do oeste á tarde e á noite, forza 7 a 8 á mañá e 8 a 9 á tarde e á noite. Estado do mar vaga. Visibilidade boa á mañá e mala á tarde e á noite. Mar de fondo do noroeste, con ondas de 2 a 3 metros á mañá, 5 a 6 metros á tarde e 8 a 10 metros á noite
