O Concello de Ribeira alcanza o maior número de infectados en 14 días, con 59 positivos. Sen embargo, hai varios concellos da comarca que teñen unha incidencia acumulada de casos superior a esta localidade. Un exemplo é Boiro, que rexistra unha incendia acumulada de 276 casos por 100.000 habitantes nos últimos días. A súa altura sitúase Porto do Son con 294, aínda que non se rexistraron positivos dende onte. Mentres, os positivos no Concello da Pobra aumentan (2 máis), así como en Rianxo (1 novo caso).
En xeral, no conxunto da área sanitaria de Santiago – Barbanza pódese ver un retroceso da pandemia, xa que os casos activos baixan (845,15 menos que a xornada anterior) e contabilízanse 51 altas. No obstante, os pacientes hospitalizados aumentan estes últimos días. Agora mesmo hai 32 enfermos, 1 máis que onte.
En Galicia as vítimas que deixa a pandemia do coronavirus eleváronse a 1.221, tras falecer nas últimas horas outras dez persoas diagnosticadas con covid-19, dúas deles procedentes de residencias de maiores e un mozo de 28 anos usuario un centro de discapacidade.