A Xunta activa este luns a a alerta laranxa por temporal costeiro e aconsella a suspensión de actividades no mar

Alértase dun fenómeno meteorolóxico adverso costeiro por mar combinada do noroeste con ondas entre 5 e 7 metros

Todo o litoral de Galicia volve este luns á alerta laranxa por temporal costeiro ante a previsión de mar de fondo con ondas de entre cinco e sete metros.

A Axencia Española de Meteoroloxía decreta de novo a alerta para este luns e así a costa galega estará en aviso desde a medionoche do luns e, polo menos, ata o martes, cando se espera que melloren as condicións no mar.

Proteción civil lembra a importancia de manterse afastados de diques, espigóns, peiraos, praias, paseos marítimos, e de todas aquelas zonas que poidan ser varridas polo mar, co fin de previr un eventual golpe de mar que poida arrastrar persoas ou obxectos. Tamén se aconsella extremar as medidas de seguridade á hora de realizar calquera actividade no mar e revisar os cabos e amarres das embarcacións. Ademais, aconséllase a suspensión das actividades pesqueiras e marisqueiras como medida preventiva naquelas zonas máis perigosas.