Este venres 4 de decembro a Casa da Cultura de Boiro acollerá un espectáculo humorístico que achega unha ollada, dende a comedia e a retranca, á maneira na que as mulleres conviven co feminismo dende tres puntos de vista distintos. Trátase de Feminissimas, unha produción teatral de Ste Xeito. O espectáculo comezará ás 21.00 horas.
Como vén sendo habitual, a cita virá con capacidade limitada para garantir o distanciamento social. As entradas están dispoñíbeis no mesmo día do espectáculo a partir das 17.00 horas.
