A Área de Cultura do Concello de Rianxo compartiu con nós unha importante actividade festivo-cultural programada para este sábado 12 de decembro, na Sala Arcos Moldes do Auditorio e organizada polo colectivo local Asociación Virxe do Carme. Trátase dun Festival de Nadal que se vai desenvolver baixo as máis rigorosas medidas de seguridade e que dará comezo ás 18.00 horas cos espectáculos 4 Monos da Tropa do Trapo e Hogus Pocus do Mago Paco.
A reserva de entradas, que serán limitadas por mor da COVID-19, poden facerse a través da conta reservaentradas@charlatana.org. Cómpre indicar nomes e apelidos e teléfono de contacto.
O espectáculo 4 Monos vén da man de Brais das Hortas e Marta Ortiz (Tropa de Trapo). Mestura música e narración oral e é especialmente indicado para público infantil e familiar.
Polo que respecta a Hogus Pocus do Mago Paco é un encontro coa maxia e humor para nenas e nenos de máis de tres anos.
