Unha gran primeira parte serviulle ao Noia FS para deixar os tres puntos na casa

16 Novembro 2020
Os xogadores do Noia FS abrázanse na celebración dun dos goles da primeira metade (Prensa Noia FS)

O Noia Portus Apostoli conseguiu a súa cuarta vitoria consecutiva logo de derrotar ao Rivas Futsal por 5-1 cunha primeira metade case perfecta. O equipo noiés volvía ó seu feudo logo de xogar durante dúas xornadas como visitante, para recibir a un Rivas Futsal que chegaba á vila noiesa moi minguado polas baixas acumuladas.

O público citado no Municipal Agustín Mourís presenciou un primeiro período impecable por parte do conxunto local. Os primeiros vinte minutos foron dun total dominio do Noia FS que buscou permanentemente a portería defendida por Merino, xogador do filial do equipo madrileño. Nos primeiros cinco minutos o cadro de Marlon Velasco avisaría nun par de ocasións, para que finalmente fora Lluc o encargado de abrir o marcador cun xute coa perna esquerda tras unha xogada a balón parado. A partir dese momento comezou o vendaval noiés. Un error na media pista do Rivas-Vaciamadrid provocou que o lucense Pirata batera por abaixo ó gardaredes madrileño. Só pasaran 7 minutos cando Rodri materializou outra xogada a balón parado para subir o terceiro tanto ó marcador.

Co 3-0 no electrónico, o Noia FS buscou a portería rival a partir dun xogo elaborado de pases, con moito ritmo e creando un gran número de ocasións, que foi ovacionado polos afeccionados noieses alí presentes. Xa nos intres finais dos primeiros vinte minutos, Rodri cunha gran volea noutra xogada de estratexia deseñada por Marlon Velasco, e Pirata cun dobre penalti, fixeron o cuarto e o quinto gol para irse ó túnel de vestiarios co resultado de 5-0. Encontro encarrilado.

A segunda parte careceu do ritmo trepidante que lle imprimiu o Noia Portus Apostoli ao inicio do encontro, e o Rivas Futsal aproveitouno para acercarse á meta defendida por Álex Pérez. O partido, a pesar de ser de guante branco, comezouse a trabar e as faltas sucederíanse no bando noiés, que tivo que xogar os últimos oito minutos con cinco faltas. Froito disto, e tras un par de ocasións do conxunto local, os noieses cometerían a sexta falta que permitiu a Rafita facer o gol da honra para o equipo madrileño que significaba o 5-1 definitivo.

“Estivemos bastante ben, minimizamos as situacións de erros co balón e estivemos ben en defensa, ataque e a balón parado”, valoraba Marlon Velasco ao final do encontro unha nova vitoria para o Noia Portus Apostoli que o mantén na cabeza da táboa clasificatoria da Segunda División do Grupo 2. Un Noia FS que visitará a vindeira semana ó CD Leganés coa intención de seguir coa boa dinámica.

Outros artigos

Este martes remata o prazo para participar no Depor Campus de Outes

O Concello de Outes e o Real Club Deportivo da Coruña presentaron a terceira edición do Depor Campus de Outes, unha iniciativa de formación e lecer deportivo na que nenas e nenos do concello poderán avanzar nas súas habilitades futbolísticas da man dos instrutores da...

+

Publicidade

Revista en papel

Opinión

“La profesionalidad del Gobernador”. José Castro López

“La profesionalidad del Gobernador”. José Castro López

El Gobernador del Banco de España finalizó el mandato y Pablo Hernández de Cos sedespidió con la elegancia de un caballero y con la profesionalidad del eminenteeconomista después de seis años al frente de una institución clave para la economía y elsistema financiero...