Sonoteucomercio.gal fai un chamamento a mercar localmente nesta tempada de Nadal

12 Novembro 2020

A plataforma web Sonoteucomercio.gal, o mercado en liña onde os establecementos de Porto do Son xuntan forzas contra a crise sanitaria ao tempo que acurtan distancias coa cidadanía (do Son e de todo o mundo), comezou xa a mobilizar recursos para a vindeira campaña de Nadal, un movemento que vén acompañado de mensaxes claras sobre a necesidade de apostarmos (agora máis ca nunca, ante a adversidade da COVID) polo comercio de proximidade e por unha fórmula, a da recuperación económica e social, que pasa claramente por un apoio unánime aos establecementos de toda a vida.

A plataforma pon o foco tamén nos beneficios de adiantar as nosas compras de Nadal, “xa que os negocios familiares, a diferente das grandes multinacionais e das grandes superficies, precisan de máis tempo para preparar ou elaborar os seus produtos”.

Dende Sonoteucomercio.gal tamén destacan outras importantes vantaxes postas en xogo polos establecementos de proximidade: mercar con seguridade (“os nosos comerciantes son os máis interesados na nosa seguridade, porque a nosa seguridade é a de todos nós”), atención personalizada (“ninguén nos vai atender coma no comercio local, porque ninguén nos coñece mellor que os que están preto”), e repercusión económica e social positiva (“se mercamos no noso concello cada euro gastado repercute nos nosos veciños, amigos e familiares”).

Outros artigos

Publicidade

Revista en papel

Opinión

“Cadaquén coa súa idea”. Luís Celeiro

“Cadaquén coa súa idea”. Luís Celeiro

Fóronse onte pola madrugada e arestora aínda non chegaron. Montaron nun avión para ir a “non seionde” e, despois, un tren de longo recorrido levaríaos a outro aeroporto,  para seguir o seuprograma de turismo ofertado por unha das máis importantes axencias de turismo...

“Good morning, Baltimore”. Antón Luaces

“Good morning, Baltimore”. Antón Luaces

Este xoves foron recuperados outros dous cadáveres supostamente doutros tantos obreiros da maior infraestrutura marítima de Baltimore, considerada a de máis lonxitude de Estados Unidos, que foi derrubada o pasado martes polo portacontedores "Dalí", que bateu contra a...