Santiago, Ames e Teo e outros concellos galegos seguirán bloqueados pola covid

Pasadas as 22:30 da noite deste martes acabou a reunión do Comité clínico, que decidiu a continuidade das restricións acordadas a semana pasada, basicamente os peches perimetrais de varios municipios galegos, entre eles Santiago, Ames e Teo. Lembremos que o venres pasado, día 30 de outubro, a Consellería de Sanidade ordenou o peche perimetral nas sete principais cidades galegas e determinados concellos fronteirizos, como consecuencia do empeoramento da pandemia do covid-19 e particularmente polo Día de Todos os Santos, restrinxindo ademais as reunións, só posibles entre os conviventes destes concellos.

Os residentes das zonas afectadas só poderán reunirse cos seus conviventes, tanto en espazos públicos como privados, sen importar que estean no nivel dous ou tres de alerta preventiva. En días futuros, as autoridades sanitarias valorán a evolución dos contaxios e avaliar unha posible diminución das restricións.