O municipio de Ribeira pasou a nivel 3 de alerta pola evolución da incidencia da COVID-19.
Así se reflicte nos datos de Sanidade plasmados no mapa de incidencia da pandemia este mesmo xoves, no que o total de concellos que se atopan neste nivel baixaron a 39 ( Ribeira súmase aos concellos en nivel vermello da provincia da Coruña, no que tamén están Teo, Vimianzo, Cabana de Bergantiños, Ponteceso, Malpica, Coristanco, Carballo, Arteixo, A Coruña, Culleredo, Cambre, Oleiros, Narón e Ferrol).
Un total de 26 municipios atópanse, ademais, no nivel dous de alerta por coronavirus entre eles está Noia. Na comarca O Son, Boiro e Muros seguen en nivel 1. O resto en nivel 0.
Mentres en Ribeira desde este mediodía estase a realizar ata o domingo o cribado a 5.500 persoas, tal como informamos en O Barbanza, cribado para o que o alcalde fixo un chamamento á cidadanía e ás empresas para que colaboren a facela.
Pola súa banda, os municipios de Ames, Cee e Fene saíron da alerta máxima e pasaron a nivel laranxa descenderon a 39. En concreto, Sarria, Cervo e Viveiro na provincia de Lugo; e Barbadás, Ourense, A Rúa e Verín na provincia ourensá.
Así mesmo, Tomiño, Salceda, A Cañiza, Moaña, Cangas, Cambados, Caldas de Reis rexistran alerta laranxa na provincia de Pontevedra e Noia, Santiago, Ames, Cee, Santa Comba, Laxe, Camariñas, Ponteceso, Ordes, Bergondo, Sada, e Fene na provincia coruñesa.
En Galicia a Dirección Xeral de Saúde Pública da Consellería de Sanidade informa que na última actualización, o número de casos activos de coronavirus en Galicia é de 9.554 deles 1.855 son da área da Coruña, 1.064 da de Lugo, 880 da de Ourense, 1.250 da de Pontevedra, 2.426 da área de Vigo, 1.148 da de Santiago, e 931 da de Ferrol.
Do total de pacientes positivos, 90 están en UCI, 514 en unidades de hospitalización e 8.950 no domicilio. Polo de agora, en Galicia hai un total de 32.983 persoas curadas, rexistrándose 1.039 falecementos.
O número de PCR realizadas é de 772.334.
