A xerencia da Área Sanitaria de Santiago levará a cabo un cribado poblacional a máis de 5.500 persoas con Tarxeta Sanitaria nos centros de Saúde de Ribeira de entre 40 e 50 anos ante o incremento de casos e a imposibilidade de seguir a cadea epidemiolóxica en moitos deles.
Iniciarase mañá xoves 12 e os citados recibirán unha mensaxe de SMS coa hora e o lugar da cita (a Lonxa nova do Porto de Ribeira) e desenvolverase ata o domingo.
Realizarase toma de mostras nasofarinxea para realizar PCR que serán analizadas a través da técnica pooling.
O acceso ò Porto e peonil, non se recomenda acceder en coche. A xerencia agradece a colaboración do Concello de Ribeira polo apoio da policía local e protección civil para dirixir na chegada aos cidadans citados, así como a Portos de Galicia e a Xerencia da Lonxa.
Pola súa banda
O alcalde de Ribeira, Manuel Ruiz Rivas, desexa solicitar da cidadanía do concello a máxima colaboración e comprensión ante a convocatoria da
xerencia da Área Sanitaria de Santiago para levar a cabo, entre mañá
xoves e o domingo na nova lonxa, un cribado poboacional a través de
PCRs a máis de 5.500 persoas de entre 40 e 50 anos de idade.
Policía Local, GAEM e Protección Civil estarán colaborando no
control do acceso á lonxa dos veciños citados, algo para o cal se
prega manter todas as cautelas aos alí convocados mantendo a
distancia social, levando a mascarilla correctamente colocada, etc.
Cooperación empresarial
Así mesmo, dende esta Alcaldía solicítase a colaboración das
empresas de tal xeito que os traballadores que fosen convocados
poidan acudir á hora en que foron citados (ou, de ser imposible,
alomenos no propio día da cita) sendo como son unhas probas de
moi curta duración.
Por extensión, e dado o incremento de casos covid positivos
rexistrados nos últimos días no termo municipal ribeirense, apélase a
que todos extrememos as precaucións profilácticas e a evitar todo
contacto social innecesario no ánimo de atallar a situación.
Neste obxectivo, por parte do Concello adoptaranse todas as medidas
oportunas para suspender todos os eventos e actividades municipais
(como cursos, exposicións, obras teatrais, etc) a partir da tarde de
mañá e ata o día 23 de novembro.