Este sábado 7 de novembro o Centro Cultural Lustres Rivas de Ribeira vai dar cabida a unha función contacontos coa escritora e narradora oral galega Raquel Queizás, destinada a nenos e nenas de 0 a 6 anos. Trátase do espectáculo Chimpos de ra.
A iniciativa está promovida polo Concello de Ribeira en colaboración coa Deputación da Coruña dentro do programa de dinamización da lingua galega Lingua a escena.
Comezará ás 12 do mediodía. Para asistir é imprescindible inscribirse enviando un correo electrónico cos datos (nome e apelidos e teléfono de contacto) a normalizacion@ribeira.gal.
Respecto do argumento, a obra preséntanos a Nano, que por ser maior é quen de dar grandes chimpos de ra, e máis a Nona, a súa irmá pequena, que, por ser miúda, cae, non sabe, e o seu irmán rise dela. Nano ten ciumes de Nona, xa que pensa que todos os agarimos e atencións son para ela, polo que desexa ser pequeno outra vez…
