O V Festimaxia de Lousame acollerá este domingo o espectáculo Alquimia do Mago Teto

18 Novembro 2020

A Casa da Cultura de Lousame acollerá este domingo 22 de novembro unha actuación do Mago Teto, que volverá poñer en escena, a partir das 18.00 horas, o seu espectáculo Alquimia, definido polo propio artista como “unha fusión do teatro e as artes escénicas coa maxia”.

Segundo lembra a concelleira de Cultura, Silvia Agrafojo, estamos ante “unha actuación que tivo tal éxito na edición do ano pasado que deixou a ducias de veciños e veciñas sen poder asistir por falta de aforo”, e foi por este motivo polo que se fixo un esforzo especial por volver programar unha vez máis o dito espectáculo, que regresa a Lousame este domingo 22.

A concelleira recorda que a nova cita virá con aforamento limitado, polo que será preciso reservar a entrada con antelación chamando ao teléfono 981 82 57 80.

Alquimia é un espectáculo dirixido a un público familiar, a partir dos 7 anos, no que o Mago Teto experimenta con auga, terra, lume e aire na busca da pedra filosofal.

Esta será a segunda das tres actuacións programadas no V Festimaxia de Lousame, organizado polo Concello de Lousame en colaboración coa Deputación da Coruña. Para o vindeiro domingo 29 de novembro, tamén ás 18:00 horas, queda a derradeira actuación deste ano da man do mago Dani García, que porá sobre o escenario da Casa da Cultura local o seu espectáculo Don Gelati, unha actuación que mestura maxia e humor.

Outros artigos

Publicidade

Revista en papel

Opinión