O presidente provincial e a alcaldesa de Muros comproban o esplendor recuperado do Cine París

30 Novembro 2020

Finalmente a recuperación do Cine París de Muros, unha das moitas xoias arquitectónicas da histórica vila, é unha realidade á vista de veciñanza e visitantes. As obras de rehabilitación foron visitadas este luns polo presidente da Deputación da Coruña, Valentín González, que recordou que a entidade colabora co proxecto con 266.000 euros a través do Plan Único. Os traballos financiados inclúe a renovación da cuberta e a recuperación da fachada.

Sinalar que o Concello quere converter o París nun centro sociocultural, outorgándolle de novo o esplendor que perdeu durante décadas de abandono e ruína. García, na súa visita a Muros, estivo acompañado pola alcaldesa Inés Monteagudo e por membros da Corporación. Na estadía tamén participaron o deputado Blas García e a deputada Sandra González.

O presidente provincial aproveitou para visitar outras obras no casco antigo de Muros e que contan con fondos do Plan Único como pode ser a mellora integral que se está a acometer na zona de Chalón, onde se instalan novos pavimentos e estanse a recuperar os tradicionais lavadoiros.

González Formoso lembrou que “o Plan Único aumenta este ano de xeito considerábel para todos os concellos, e tamén para Muros, que conta cunha asignación de 600.000 euros dos que 140.000 euros irán destinados para facer fronte aos gastos sociais orixinados pola pandemia”.

Inés Monteagudo quixo “agradecer a visita do presidente e os investimentos da Deputación en Muros” e recalcou que “a obra do Cine París era moi agardada porque a situación do edificio era dramática, pasou de ser unha actuación estética a ser de seguridade xa que corría risco de derrube. Agora dá gusto velo e cambiou a sensación dos comercios e establecementos desta zona”.

146 solicitudes ao PEL Reactiva

No apartado de Emprego, o presidente lembrou que a Deputación vén de recibir un total de 146 solicitudes de autónomos e microempresas de Muros para participar nas axudas do PEL Reactiva. “O elevado número de peticións, tanto aquí como en toda a provincia, deixa clara a importancia dun plan que reparte 12 millóns de euros para unha provincia mentres outras administracións como a Xunta destinan 17 millóns de euros para toda a Comunidade”. Tamén recordou que a Deputación lanzará un novo PEL Concellos dotado de 3 millóns de euros de orzamento e que, no caso de Muros, permitirá contratar a outros 6 traballadores a maiores dos 6 cos que xa conta.

González Formoso visitou tamén a Confraría de Pescadores de Muros, onde mantivo un encontro co patrón maior, Daniel Formoso Moledo, e con outros representantes do sector pesqueiro do municipio. Alí, interesouse pola situación actual e as diferentes problemáticas que se lle presentan a un sector estratéxico na economía local e anunciou “que recibirán 17.000 euros dentro da liña provincial de subvencións a confrarías, dotada de medio millón de euros”.

Outros artigos

Publicidade

Revista en papel

Opinión

“Un poeta llamado Sémper”. Xosé Antonio Perozo

“Un poeta llamado Sémper”. Xosé Antonio Perozo

El mimetismo positivo del correligionario con el líder es un fenómeno en desaparición. Puede ser debido a dos circunstancias. Una, la falta de carisma de la mayoría de los dirigentes políticos de nuestros días. Dos, la proliferación y diversificación de sus presencias...

“Mi Buenos Aires querido…”. José Castro López

“Mi Buenos Aires querido…”. José Castro López

Mientras escribo suena “Mi Buenos Aires querido” en la voz de Carlos Gardel, elinmortal interprete del tango, la expresión artística única que refleja la identidad deArgentina y de su gente.Mi primera noticia de Buenos Aires se remonta a la ya lejana infancia cuando...