Carlos José Barberi, pintor arxentino afincado en Ribeira, expón 43 óleos e acuarelas de diferentes temáticas no Centro Cultural Lustres Rivas. A exhibición, que celebrou este último día de novembro a súa apertura nun acto exclusivo cos medios de comunicación, recibe o nome de Un Arxentino en Galicia.
O alcalde, Manuel Ruiz, e a Concelleira de Cultura, María Sampedro, interviron na inauguración da exposición, ademais do autor da propia mostra e o Olegario Sampedro. Este último foi quen explicou a mudanza do estilo de Barberi dende que se mudou a Ribeira: “ pasou de representar motivos ecuestres e caninos a outros nos que predominan estampas mariñas, gaivotas e paisaxes de Barbanza e do Courel”.
Barberi quedou abraiado con lugares como a igrexa de Abanqueira. É por iso que o alcalde sinalou que “o pintor soubo empaparse de belezas da terra que moitas veces por telas diante non sabemos ver ou transmitir aos demais”.
A mostra poderá ser visitada ata o 16 de xaneiro de 2021, cun horario de 10:00 a 14:00 e de 19:00 a 21:00 de luns a venres, e de 11:00 a 14:00 os sábados.
